قسم الحشرات الاقتصادية - كلية الزراعة
المقال طويل شويه 😅 بس شامل كل حاجه عن القسم بشكل مبسط جداااا ❤️
قبل ما نتكلم عن القسم دا لازم نعرف هو تبع أنهى مجال،
قسم الحشرات الاقتصادية يتبع مجال وقاية نبات ( سبق و اتكلمت عنه )
قسم الحشرات الاقتصادية يعتبر قسم ممتع ولذيذ جداا حقيقى ولو داخل القسم عن اقتناع هتبدع فيه ملخص دراستك فى القسم دا
1- دراسة و معرفة الآفات الزراعية الموجودة في البيئة والتي تضر المحاصيل والمخازن والمنتجات الحيوانية و معرفة نوع الإصابة وكيفية مكافحتها
2- يتم دراسة الحشرات النافعة وما لها آثار مفيدة يستفيد منها الإنسان و يعمل على زيادتها مثل نحل العسل الذى ينتج العسل وغيره من الحشرات النافعة المفيدة 😃
طبعا كل قسم بيبقى ليه بروتوكول دراسة معين علشان تكون شامل وملم جميع أجزاء المادة العلمية الخاصة بالقسم فتعالى نتعرف على بروتوكول دراستك فى القسم دا
مجال المكافحة البيولوجية :
قبل ماتعرف ايه المواد المندرجة تحت المجال دا لازم الاول تعرف معناها : معناها مكافحة الآفات الضارة باستخدام كائن حى ( الحشرات ) بدون تدخل الإنسان مثل :
1-الطفيليات ، والمفترسات فى المجال دا بتتعرف ازاى نزود اعدادها وكمان بتدرس آليه عملها وهكذا
2- إيكولوجي الحشرات : فى المجال دا تدرس، نشاط الآفات على المحاصيل ( خضر ، فاكهه ، بساتين ) بمعنى كل واحد فينا ليه فتره نشاط معينه يبقى فيها بكامل حيوته هكذا بردوا الحشرات فبنعرف امتى وقت نشاطها علشان نكافحها ونقضى عليها ونقلل من أضرارها على المحصول، هتدرس كمان تأثير العوامل البيئية على الآفات الضارة وعوائلها، هتدرس كمان دور العوامل البيئية الحيوية الموجودة فى التربة على إعداد الآفات بمعنى كل آفة تتغذى مثلا في نوع معين من الغذاء المعين ( قد يكون يرقة معينه او ماشابه ) موجوده فى التربه كل م زاد عددها كل م زاد عدد الآفات والعكس صحيح ف انا بدرسها علشان اقللها وبالتالى اقضى على الآفة دى واقلل من أضرارها.
3- مجال تربية النحل : من اسمه كده هتدرس كل حاجه تخص النحل من التربيه لحد الإنتاج 🐝🐝
4-مجال مورفولوجى وتقسيم الحشرات : من اسمه مورفولوجى يبقى هتدرس الشكل الظاهرى للحشرات وكمان هتقسم الحشرات الى حشرات نافعة وحشرات ضارة ( التى يطلق عليه اسم الآفات )
5-مجال فسيولوجيا الحشرات : من اسمه فسيولوجيا يعنى هتدرس وظائف أعضاء الحشرات وآلية عملها وكل ما يخصها
6- مجال الحشرات الطبية والبيطرية : وفيه تتعرف على العلاقة بين الحشرات وصحة الإنسان والحيوان بمعنى ازاى الحشرات ممكن يستفيد منها الإنسان
7- مجال دراسة الأجنّة: من اسمه هتدرس مراحل نمو الحشرة بالتفصيل ( حقيقى حاجه ممتعه )
8- مجال الاكاروسات دا بقى مجال واسع جداا وممتع حقيقى مفاجأة القسم دا * تعالى بقى دلوقتى اقولك مجالات عملك ايه
1/ معيد في القسم
2/ باحث مركز البحوث
3/ مهندس فى منحل
4/ مهندس مكافحه فى مزارع
5/ شركات مكافحة
يارب تكونوا استفدتوا، بالتوفيق 🧡❤️
استفدت جدا
ردحذفإرسال تعليق