قسم علوم وتكنولوجيا الالبان 🥛🧀🍶
طبعا بنسمع عن القسم دا كتير جدااا ويعتبر من أكثر الاقسام اللي عليها اقبال كبير من الطلبه 🌝 فتابع معايا وانت تفهم كل حاجه عن القسم، قسم علوم وتكنولوجيا الالبان شعبه داخل قسم صناعات غذائيه وممكن أن يكون قسم منفصل فى بعض الجامعات ويعتبر من اجمل الاقسام او زى مبيقولوا قسم المدلعين 😂 ليه بقى 😃 كل شغلهم قائم على منتجات الألبان بيصنعوها وطبعا لازم بعد ميصنعوها ياكلوها😃 يعنى هنعمل ومش هناكل دا يرضى حد يعنى😂 فدا يعتبر العملى بتاعهم حاجه لذيذه كده 😄
المواد المؤهله للالتحاق بالقسم :
1/ ميكروبيولوجى
2/ كيمياء حيوى
3/ اساسيات علوم الغذاء والالبان
ودا طبعا يشترط أن مجموعك فى المواد المؤهله للقسم تقديرك يكون عالى فيها + التقدير التراكمى برضوا 🌝
* رساله القسم :
قسم علوم وتكنولوجيا الالبان يعمل على تأهيل مهندسين متخصصيين قادرين على :
1/ عمليات التصنيع والرقابة على الجوده من النواحى التركيبية ، الكيميائيه ، الميكروبيولوجيه والحسيه .
2/ استخدام البيوتكنولوجيا الحديثه فى انتاج الألبان النظيفة التى تحتوى على عدد أقل من البكتيريا وذلك لإنتاج وتصنيع المنتجات اللبنيه المختلفه ومنها ( الألبان المعاملة حراريا – الألبان المتخمرة – الجبن بأنواعها المختلفة – المثلوجات القشدية واللبنية – المنتجات اللبنية الغنية في الدهن – الألبان المجففة والمكثفة والمحلاة )
* اهداف القسم :
اعداد مهندسين متخصصين قادرين على إنتاج وتسويق منتجات الألبان فى السوق المحليه والعالميه وايضا لتحقيق الاكتفاء الذاتى من منتجات الألبان ذات الجوده العاليه .
* التخصصات الفرعيه فى القسم :
1-تكنولوجيا الالبان
2- كيمياء الالبان
3- ميكرو بيولوجيا الألبان
* مجالات العمل لخريجى القسم، تتعدد مجالات العمل كالتالى :
1- معيد بالقسم
2- باحث فى مركز البحوث
3- مهندس جوده فى مصانع الصناعات الغذائيه والالبان داخل مصر وخارجها مثل ( دومتى ، جهينه ، جرين لاند ، بيتي ، المراعي ، سيكلام ، فرجللو ، آيس مان ، المصريين ، طعمه ، أمريكانا ، بريزيدون ، دانون )
4- مهندس فى الهيئه العامه للرقابه على الصادرات والواردات
5-مهندس مراقبه جوده فى الحجر الزراعى والجمارك بالمطارات والموانئ
6- اخصائى تغذيه فى المستشفيات الخاصه والحكوميه وكذلك المدن الجامعيه بوزارتى التربيه والتعليم والأزهر الشريف
إرسال تعليق