قسم الوراثة كلية الزراعة
كتير مننا بيسال عن قسم وراثه🤔 وتايه ومش لاقى اجابه☹️ تابعوا معايا كده هبسطلكوا كل حاجه عن القسم. 😁❤️
قسم وراثه شعبه من مجال البايو تكنولوجى وممكن يكون قسم منفصل لوحده فى بعض الجامعات ☺️
نبدأ بالدراسه فى القسم : قسم الوراثه دراسته ممتعة جدااا ولو حد بقى شغوف بالجينات والبيولوجى وكده يبقى دا مجاله 😁 فى القسم دا هتدرس علوم البيولوجى وكمان هتدرس كل جديد فى مجال الوراثه من تطبيقات التحسين الوراثي ( الهندسه الوراثيه ) ودا يعتبر مجال مستحدث فى علم الوراثه وطبعا الهندسه الوراثيه هتفيدنا كتير جدااا ، فمن خلال دراستك ليها هتكون قادر انك تحسن الانتاج للنباتات و الحيوانات وبالتالى الإنتاج الزراعى بصفه عامه، اظن مفيش من بعد كده جمال
ومتعه.❤️
نيجى بقا للتخصصات الدقيقه اللي هتدرسها في القسم أنا فوق اتكلمت عموما هنا بقى هوضح التخصصات بالتفصيل :
1. وراثة العشائر .
2. وراثة كمية .
3. احصاء وراثى .
4. وراثة سيتولوجية .
5. كيمياء الخلية .
6. وراثة تكوينية .
7. وراثة ايكولوجية .
8. وراثة جزيئية .
9. وراثة خلوية .
10. وراثة اشعاعية .
11. وراثة الكائنات الحية الدقيقة .
12. وراثة كيموحيوية .
13. احماض نووية .
14. هندسة وراثية .
15. بيولوجيا الخلية .
16. تقنية حيوية وراثية
نيجى لأهم نقطه واللي الكل بيسال عنها مجالات عمل القسم
1- معيد بالقسم
2-باحث فى المركز القومى للبحوث
3- مهندس زراعى متخصص فى وزاره الزراعه
4-مهندس فى معامل التحاليل الزراعيه والوراثيه
5-مهندس فى معامل وشركات التقنيه الحيويه والهندسه الوراثيه
وبكده نكون خلصنا ومتخليش حد يحبطك ويقولك أن مجال الوراثه ملوش شغل فى بلدك مصر لأ ليه وشغل متوفر بس الموضوع محتاج اجتهاد طبعا بعد توفيق ربنا ليك ❤️
بالتوفيق ى بشمهندسين اتمنى اكون فيدتكوا ❤️
شكرا استفدت♥️
ردحذفإرسال تعليق