" قسم الهندسة الزراعية "
يعتبر (خاص بطلاب علمى رياضه فقط ).
يتبع قسم الهندسة الزراعية كليات الزراعة بطابع تنسيق خاص مدة الدراسة 4 سنوات يحصل الخريج بعدها على بكالريوس علوم زراعية شعبة هندسة زراعية ويقيد بنقابة الزراعين
وهو يعتبر تطبيق لمفاهيم الهندسة ونظريتها فى مجال الزراعة
لو فكرنا الالات الزراعية اللي بيتم استخدامها فى مجال الزراعة تفتكر مين اللى صممها ؟!
اكيد مهندس علشان بيحسب القوى والعزوم والمواد وده كان السائد لحد فتره قريبه ولكن ظهرت مشكلة ان المهندس خريج الهندسة بيكون فكره كله منصب على الاله ومش بيهتم بالزرع اللى بتستخدم عليه الاله واذا عكسنا الموضوع وخلينا مهندس زراعى هو اللى يصمم هنكتشف انه صمم الاله من وجهة نظر النبات على حساب الاله لذا ظهرت الحاجه الى الهندسة الزراعية والتى يكون الخريج منها دارس للنظريات الهندسية والاحتياجات الزراعية
( ملحوظه مجال الميكنه الزراعية هو احد افرع الهندسة الزراعية )
القسم منقسم لـ 3 أقسام :
1_قسم الرى و الصرف :
يهتم بشبكات الرى والصرف وتصميمها وتركيبها وصيانتها
شبكات الري
دي تصميم وحسابات لشبكات الري واللي بيدخل في الحسابات متغيرات كتيرة منها نوع النبات فلازم تتعرف عليه
فيه نوعين:
1-ري مزارع
2-ري land scape
2_ قسم ميكنه الزراعيه :
يهتم بصيانة وتصميم الالات الزراعية المختلفة والجرارات واكيد ده اكتر قسم عاوز فهم جيد للمواد الهندسية وفي نفس الوقت للمواد الزراعية
مثلا ازاي اقدر اصمم الة لخدمة محصول معين بدون مااعرف خواص المحصول ده
وفي نفس الوقت انا محتاج ادرس القوى المؤثرة على الالة والعزوم
3- قسم النظم الحيويه:
ده اختصاص واعد بدا الاهتمام به مؤخرا يهتم بالظروف البيئيه والتحكم فيها مثل الصوب واماكن التخزين كما يهتم بالاعمال المساعدة مثل المساحة والتسوية والطاقة النظيفة وتسخير علوم الهندسية الحديثة زي الميكاترونكس (الروبتات) والالكترونيات لخدمة الزراعة وممكن نفس العلوم دي تدخل في الالات الزراعية.
''دراسة القسم "
يهتم بدراسة شبكات الرى و امداد النبات ب كميه المياه المناسبه وحسابات التسوية وتكنولوجيا تشغيل التربة و بيهتم بدراسه الألات اللزراعيه و بتدرس فيه انواع المحركات و ميكانيكاا الألات وبيهتم بإستخدام الأقمار الصناعيه في الزراعه و الطاقه الشمسيه و البايوجاز .
'' مجالات العمل ''
من واقع سوق العمل معظم الخريجين بيشتغلو فى مجال
1-شبكات الرى ينقسم المجال ده اللى ثلاث اقسام بترتيب الترقى فيها>> صيانة>>> تصميم>>> مبيعات
2- مصانع الاغذيه لانه مؤهل لعمل خطوط الانتاج واختيار درجات الحراره المناسبه واختيار طرق خلط النسب وايضا طرق التخزين ودرجات الحراره المختلفه والعزل
3-مجال الميكنة: مهندس ميكنه ومطلوب في كل المزارع الكبيره
" وهو المسئول مع فريقه بصيانه وتصميم شبكات الري والابار وصيانه جميع المعداد الزراعيه والتعديل عليها والتعاقد على المعداد الزراعيه والجرارات ".
4- مجال الطاقة الشمية والحيويه
5-مهندس مساحة.
6-مهندس ديكور المزارع.
إرسال تعليق